Hapet konkursi për sheshin dhe monumentin e Adem Jasharit
E. Hoti / RTKlive
Kryetari i Prishtinës, Përparim Rama ka bërë të ditur se është hapur konkursi për krijimin e sheshit monumental të Komandantit Legjendar, Adem Jashari që nderon sakrificën e tij dhe të familjes.
“Kemi hapur konkursin për krijimin e sheshit monumental të Komandantit Legjendar, Adem Jashari, që do ta ketë pjesë thelbësore monumentin e qëndresës, guximit dhe lavdisë së heroit të kombit dhe familjes Jashari, si një prej themeleve më të rëndësishme të lirisë së vendit”, ka shkruar Rama në Facebook.
I pari i kryeqytetit ka thënë se ky shesh do të shërbejë jo vetëm si një simbol i sakrificës së madhe të Komandantit Legjendar dhe familjes së tij, por edhe si një vend ku brezat e sotëm dhe të ardhshëm mund të mësojnë një prej kapitujve më të rëndësishëm në historinë e kombit tonë.























