Hyseni: Gjatë këtij mandati ofruam shërbime logopedike në shkolla
BKT
Kosovë

Hyseni: Gjatë këtij mandati ofruam shërbime logopedike në shkolla

K. K. / RTKlive

Komuna e Gjilanit ka njoftuar se janë shënuar rezultate të rëndësishme sa i përket gjithëpërfshirjes në fushën e arsimit, përkatësisht në ofrimin e shërbimeve logopedike në këtë komunë.

Në njoftim të kësaj komune bëhet e ditur se për herë të parë gjatë këtij mandati, ofruan shërbime logopedike në shkollat e komunës.

“Ky është një hap i rëndësishëm për zhvillimin e fëmijëve. 102 fëmijë të përfshirë, mbi 2 mijë e 500 seanca të realizuara dhe 89 raste të përfunduara me sukses. Të gjitha pa asnjë kosto për familjet”, tha kryetari i komunës, Alban Hyseni.

Kreu i Gjilanit, falënderoi logopedët për punën e palodhshme dhe përkushtimin ndaj fëmijëve të Gjilanit.

Drejtori për Arsim, Shpend Nuhiu, ka vlerësuar lartë punën e logopedëve dhe kërkimin shkencor dhe janë dakorduar që gjetjet nga ky hulumtim t’i aplikojnë në praktikë.

Ai ofroi bashkëpunim në të ardhmen për projekte të karakterit të njëjtë.


MË SHUME NGA Kosovë