Hyseni: Puna e bërë dhe investimet në Lipovicë e Burincë po japin rezultate
BKT
Kosovë

Hyseni: Puna e bërë dhe investimet në Lipovicë e Burincë po japin rezultate

E.Hoti/RTKlive

Kryetari i Komunës së Gjilanit, Alban Hyseni, ka vizituar fshatrat Lipovicë dhe Burincë, në malësinë e Karadakut, ku është takuar me banorët lokalë për të dëgjuar nga afër shqetësimet, sfidat dhe nevojat e tyre.

Sipas njoftimit, gjatë vizitës Hyseni theksoi rëndësinë e investimeve të bëra në këto zona rurale dhe ndikimin e tyre pozitiv në jetën e përditshme të banorëve.

“Kaluan një ditë të jashtëzakonshme me banorët e Lipovicës dhe Burincës, të cilët me përkushtim e punë po ndërtojnë të ardhmen e tyre në këto fshatra. Biseduam për sfidat dhe nevojat e zonës, ndërsa morëm mirënjohje dhe mbështetje për punën e bërë  nga infrastruktura rrugore e deri te mbështetja për bujqësi”, deklaroi Hyseni.

Ai gjithashtu shtoi se përkrahja dhe besimi i qytetarëve janë motivim shtesë për vazhdimin e punës drejt zhvillimit të qëndrueshëm të gjithë territorit të Gjilanit.

“Mbështetja e sinqertë e banorëve na jep forcë të punojmë edhe më shumë për Gjilanin që duam të gjithë”, tha në fund Hyseni.


MË SHUME NGA Kosovë