ZMNV trajton 56 raste të reja për një javë, shumica për dhunë në familje
E.Hoti/RTKlive
Zyra për Mbrojtje dhe Ndihmë të Viktimave (ZMNV) ka bërë të ditur se ka trajtuar 56 raste të reja gjatë periudhës 18 – 25 korrik 2025, prej të cilave 51 raste lidhen me dhunë në familje.
Përveç tyre, janë trajtuar edhe 1 rast i dhunimit,1 rast i kanosjes,1 rast i keqtrajtimit ose braktisjes së fëmijës dhe 2 raste të shkeljes së urdhrave mbrojtës.
Gjatë kësaj jave janë parashtruar gjithsej 9 kërkesa për Urdhër Mbrojtjeje (KUM) dhe 22 kërkesa për Urdhër Mbrojtjeje Emergjente (KUME), ndërsa janë dhënë 24 aktvendime të aprovuara dhe 3 të refuzuara.
ZMNV njofton se gjithashtu ka qenë aktive në 80 seanca gjyqësore, 11 seanca në prokurori, 87 këshilla juridike, 27 aktgjykime dënuese, 2 vendime për kompensim viktimash, 3 kërkesa për kompensim nga fondi, si dhe në përfaqësime e referime në polici, strehimore dhe ANJF.























