Graçanica e Këshilli i Evropës riafirmojnë angazhimin për qeverisje të mirë
BKT
Kosovë

Graçanica e Këshilli i Evropës riafirmojnë angazhimin për qeverisje të mirë

K. K. / RTKlive

Gjatë një takimi të mbajtur ndërmjet kryetares së Komunës së Graçanicës, Ljiljana Subaric dhe kryetares së Zyrës së Këshillit të Evropës në Prishtinë, Mary-Ann Hennessey, u diskutua mbi përparësitë e përbashkëta në forcimin e qeverisjes së mirë, transparencës dhe pjesëmarrjes aktive të qytetarëve.

Takimi u zhvillua në kuadër të projektit “Forcimi i qeverisjes shumënivelëshe dhe demokracisë pjesëmarrëse”, dhe u përqendrua në përmirësimin e bashkëpunimit institucional për të promovuar një administratë më gjithëpërfshirëse dhe të ndjeshme ndaj nevojave të komuniteteve.

Të dyja palët theksuan rëndësinë e mbrojtjes së të drejtave themelore të njeriut dhe zbatimit të vazhdueshëm të dygjuhësisë brenda institucioneve publike, si një element kyç për respektimin e diversitetit gjuhësor dhe kulturor në komunë.

Zyra e Këshillit të Evropës në Prishtinë vlerësoi bashkëpunimin konstruktiv të Kryetares Subaric dhe ekipit të saj në projektet që promovojnë të drejtat e njeriut, sundimin e ligjit dhe demokracinë në nivel lokal.

Ky takim riafirmoi angazhimin e përbashkët për të ndërtuar institucione më të përgjegjshme, gjithëpërfshirëse dhe të afërta me qytetarin.

 


MË SHUME NGA Kosovë