11:31 / 06.01.2026
Reshjet, qytetarët paralajmërohen të mos lëvizin pa nevojë
Komuna e Malishevës ka bërë thirrje për kujdes të shtuar ndaj qytetarëve për shkak të gjendjes së rënduar që ka krijuar moti i keq dhe reshjet e pandërprera të shiut.
Shtabi Emergjent për Menaxhimin e Situatave Emergjente apelon tek të gjithë qytetarët që të shmangin lëvizjet e panevojshme.
“Shumë rrugë janë bllokuar nga uji për shkak të rritjes së nivelit të lumenjve dhe përroskave, duke e vështirësuar qarkullimin. Andaj lusim qytetarët që të mos lëvizin pa nevojë dhe, në rastet kur lëvizja është e domosdoshme, të përdorin rrugët alternative,” thuhet në njoftim.
Në njoftim thuhet se të gjitha ekipet emergjente janë në terren dhe po punojnë intensivisht për menaxhimin e situatës.























