KFOR-i pajis zjarrfikësit e Junikut me pajisje shpëtimi
BKT
Foto: KFOR
Kosovë

KFOR-i pajis zjarrfikësit e Junikut me pajisje shpëtimi

Valbona Thaçi / RTKLive

Ushtarët e Ekipit të Bashkëpunimit Civilo-Ushtarak (CIMIC) në kuadër të Komandës Rajonale-Perëndim të misionit të KFOR-it, të udhëhequr nga NATO, kanë dhuruar pajisje zjarrfikëse dhe shpëtimi për stacionin e zjarrfikësve në Komunën e Junikut.

Sipas njoftimit, donacioni synon forcimin e kapaciteteve operacionale të njësisë zjarrfikëse dhe përmirësimin e reagimit ndaj emergjencave të zjarrit dhe rasteve të tjera të shpëtimit.

KFOR-i theksoi se iniciativa të tilla dëshmojnë angazhimin e vazhdueshëm për bashkëpunim me partnerët vendorë në funksion të garantimit të një ambienti të sigurt për të gjithë qytetarët në Kosovë, në mënyrë transparente dhe të paanshme.


MË SHUME NGA Kosovë