Punimet në rrugën `Dardania` drejt përfundimit
BKT
Kosovë

Punimet në rrugën `Dardania` drejt përfundimit

Sh.G|RTKlive

Punimet në rrugën “Dardania” në Fushë Kosovë po shkojnë drejt përfundimit, katër muaj para afatit të përcaktuar me planin dinamik, ka bërë të ditur Komuna e Fushë Kosovës.

Sipas njoftimit të komunës, projekti përfshin rregullimin e rrugës, trotuareve, hapësirave të gjelbra, si dhe vendosjen e shenjëzimit të ri rrugor.

Investimi synon përmirësimin e infrastrukturës rrugore dhe krijimin e kushteve më të sigurta e më funksionale për qytetarët.

Komuna ka njoftuar gjithashtu se vitin e ardhshëm do të vazhdojnë punimet në segmentin e dytë të rrugës.

Përmes këtij projekti, Komuna e Fushë Kosovës synon të vazhdojë investimet në infrastrukturë dhe përmirësimin e cilësisë së jetesës së qytetarëve.


MË SHUME NGA Kosovë