10:14 / 25.04.2019
Dy raste të dhunës në familje brenda 24 orëve në Kosovë
Rastet e dhunës në familje nuk kanë të ndalur.
Në Fushë Kosovë gjatë ditës së djeshme është arrestuar një person i cili pas një mosmarrëveshje ka sulmuar bashkëshortën e tij.
Si pasojë e kësaj, viktima ka pësuar lëndime trupore dhe është dërguar për tretman mjekësor.
I dyshuari pas intervistimit me vendim të prokurorit është dërguar në mbajtje.
Viktimë e dhunës në familje nga burri i saj ishte edhe një grua në Skënderaj.
Edhe ajo pësoi lëndime teksa u dërgua për tretman mjekësor në spital.
Pas rastit ajo është dërguar në strehimore ndërsa i dyshuari pas intervistimit me vendim të prokurorit është dërguar në mbajtje.























