12:56 / 02.05.2019
Qëlloi në ajër me kallashnikov, arrestohet i riu në Shkodër
Bashkëpunimi me qytetarët ka çuar në pranga një tjetër person për armëmbajtje pa leje.
Policia e Shkodrës ka arrestuar shtetasin P. I. 25 vjeç, banues në lagjen “Guerile”.
Arrestimi i tij u bë pasi në lagjen “Guerile” Shkodër, ka qëlluar në ajër me armë zjarri.
"Menjëherë janë dërguar shërbimet e Policisë ku kanë bërë neutralizimin dhe arrestimin e këtij shtetasi, si dhe sekuestrimin e armës së zjarrit kallashnikov" thotë policia.
Materialet iu referuan Prokurorisë së Rrethit Gjyqësor Shkodër për veprat penale “Prishja e qetësisë publike” e “Mbajtja pa leje dhe prodhimi i armëve, armëve shpërthyese dhe i municionit”./oranews/























