13:42 / 13.07.2019
Vazhdon bashkëpunimi mes komunës dhe Stacionit të Policisë në Kaçanik
Me punë e rezultate konkrete po vazhdon bashkëpunimi mes institucioneve komunale dhe policisë së Kosovës. Në takimin mes Kryetarit të Komunës Besim Ilazi dhe Komandantit të Stacionit të Policisë në Kaçanik Halim Shehu, u konfirmua bashkëpunimi mes këtyre dy institucioneve në ruajtjen e sigurisë dhe mbarëvajtjes së qetësisë publike.
Me theks të veçantë u diskutua dukuria e prerjes ilegale të pyjeve, ku u tha se në terren falë angazhimit dhe intervenimit të institucioneve kompetente janë evidente edhe rezultatet e para në këtë drejtim.
U bë e ditur se edhe më tutje do të vazhdoj angazhimi në ndalimin e kësaj dukurie e cila po dëmton pyjet e kësaj ane.























