Atentat me armë 41-vjeçarit, arrestohet njëri prej vëllezërve
BKT
Kronika

Atentat me armë 41-vjeçarit, arrestohet njëri prej vëllezërve

Një 32-vjeçar i shpallur në kërkim për tentativë vrasje është arrestuar në Dibër.

Në pranga ra shtetasi me iniciale M. T., banues në Bulqizë, i cili në bashkëpunim me vëllanë e tij me iniciale A.T,  qëlluan me armë zjarri në drejtim të 41-vjeçarit me iniciale B.D., i cili udhëtonte me automjetin e tij në qytetin e Bulqizës.

Ngjarja ndodhi për motive të dobëta rreth orës 12.00, në vendin e quajtur "Unaza e Re" më 16 qershor. 41-vjeçari mbeti i plagosur lehtë në një atentat me armë zjarri dhe pasi mori ndihmën mjekësore doli nga spitali.

"M.T, 32 vjeç, banues në Bulqizë është  shpallur në kërkim nga Komisariati i  Policisë  Bulqizë,  pasi me datë 16.06.2019,  në bashkëpunim me vëllanë e tij shtetasin A.T,  për motive të dobëta, kanë qëlluar me armë zjarri në drejtim të shtetasit  B.D. 41 vjeç, i cili udhëtonte me automjetin e tij në qytetin e Bulqizës", raporton policia.

32-vjeçari rezultonte i shpallur në kërkim për "Vrasje me dashje e mbetur në tentativë", "Prodhim dhe mbajtje pa leje e armëve luftarake", përcjell oranews.

Ngjarja është nën hetim nga Prokuroria.


MË SHUME NGA Kronika