Xhemaili merr mbështetje të madhe nga qytetarët e Kosovës
RTKlive
Kandidati për deputet nga radhët e Partisë Demokratike të Kosovës (PDK), ish i burgosur politik, ish-kryetar i komunës së Ferizajt e ish-deputet në legjislaturat e kaluara, Bajrush Xhemaili, i ka hyrë garës për të fituar mandatin e deputetit duke kërkuar besimin nga qytetarët e Kosovës.
Xhemaili në listat zgjedhore të PDK-së për deputet garon me numrin 14.

Ai ka dëgjuar hallet e tyre dhe ka thënë se do të jetë zëdhënësi i tyre në Parlamentin e Kosovës. Xhamaili ka marrë
mbështetjen e fuqishme dhe përkrahjen e tyre për projektin e Dekadës së Re.
Kandidati për deputet Bajrush Xhemaili, ka marrë pjesë në takime edhe në Lloshkobare ku është takuar me nëndegët e fshatrave Kosinë, Slivovë, Dremjak dhe Koshare. Edhe këtu ka marrë mbështetje te vazhdueshme aktivistëve, për fitoren e madhe të PDK-së më 6 tetor.

Xhemaili gjatë fushatës ka vizituar edhe Gremen ku pjesë e këtij takimi ishin edhe nëndega Gaçkë, Doganaj, Pleshinë dhe Zaskok. Pastaj fshatin Sojevë, pjesë e të cilit ishin aktivistë të nëndegëve nga fshatrat Bibaj, Sojevë, Mirosalë, Fshati i Vjetër, Dardani, Zllatarë, si dhe fshatin Cërnill, nëndegën e PDK -së, ku pjesë e takimit ishin edhe nëndegët e fshatit Prelez, Surqinë, Prelez i Jerlive, ku Xhemaili së bashku me kandidatët tjerë nga komuna e Ferizajt garojnë për deputet nga lista e PDK-së, morëm përkrahje të jashtëzakonshme për vizionin e PDK -së, për ndërtimin e shtetit, pa korrupsion dhe nepotizëm.

Xhemaili ka vizituar edhe fabrikën “Projekting” te profesorit të tij Muhamet Haxhimusa, një ndërmarrës i sukseshëm i cili bën përpunimin dhe plastifikimin e metaleve dhe jometaleve. “Projekting” si kompani tejët e sukseshme përpos tregut në Republiken e Kosovës, eksporton edhe në vende të Bashkimit Evropian. Xhemaili ia ka bërë me dije ndërmarrësit Haxhimusa se Dekada e Re do të përkrahë fuqishëm ndërmarrësit që të jenë sa më konkurues në tregjet e jashtme.

Bajrush Xhemaili është mirëpritur edhe në familjen Klinaku në Obiliq, ku shumë përfaqësues të familjeve Klinaku, Mirena dhe Preniqi, anëtarë të partive AAK dhe LB, iu bashkuan PDK-së dhe vizionit të saj.
Xhemaili i ka falënderuar për besimin e tyre për vizionin e PDK-së, vizionin e kryeministrit në ardhje Kadri Veselit dhe Dekadën e Re që Ndërton të Ardhmen për Ty dhe Shtetin.
Ai ka falënderuar familjen Mirena për mikpritjen, në konakun e së cilës anëtarë të partive tjera u bënë bashkë me ne në rrugën e fitores.
Mobilizimi i plotë i strukturave të partisë, tregon që fitorja e PDK-së është e pashmangshme, janë shprehur kandidatët nga radhët e PDK-së të komunës së Ferizajt, Bajrush Xhemaili, Elmi Reçica, Mexhide Mjaku-Topalli, Mustafë Grainca e Gazmend Bytyçi.
#PDK112
#KadriVeseli1
#BajrushXhemaili14

























