Personi i arrestuar për vrasje në Ferizaj është ekstraduar nga Italia
Sharr Travel

Personi i arrestuar për vrasje në Ferizaj është ekstraduar nga Italia

Prokuroria Themelore në Ferizaj, njofton opinionin publik, se me datë 31 Maj 2020, në ora 16:30, me urdhër të prokurorit, ka ndaluar në kohëzgjatje prej 48 orësh, një person nga Hani i Elezit.

“I njëjti është arrestuar me urdhërarrest ndërkombëtar dhe është ekstraduar nga Italia në Kosovë, nën dyshimin se me datë 09 Shtator 2002, ka kryer veprën penale “Vrasje në tentativë” dhe “Vrasje e rëndë” sipas Kodit Penal të Republikës së Kosovës”- njofton Prokuroria Themelore në Ferizaj.

Ndërsa, Prokuroria Themelore në Ferizaj, sot, ndaj të njëjtit, do të paraqesë kërkesë për caktimin e masës së paraburgimit në Gjykatën Themelore në Ferizaj.