Shërohet nga Coronavirusi kryetari i Kamenicës, Qëndron Kastrati
Sharr Travel

Shërohet nga Coronavirusi kryetari i Kamenicës, Qëndron Kastrati

“Sipas protokollit të Institutit Kombëtar të Shëndetësisë Publike të Kosovës, konsiderohet se jam shëruar plotësisht nga pandemia COVID-19”, njofton Kastrati në Facebook

.Njofton se janë bërë 25 ditë që nga kontakti me një person që ka rezultuar pozitiv, 21 ditë prej që është izoluar dhe 17 ditë nga testimi për këtë virus.

“Për gjithë këtë periudhë fatmirësisht nuk kam pasur asnjë simptomë dhe konsiderohet që kam qenë prej të infektuarve asimptomatik. Shqetësimi im më i madh ka qenë nëse unë kam qenë bartës i virusit tek dikush tjetër, sidomos tek ata që mund të jenë më të rrezikuar e me sëmundje kronike. Por, në këtë situatë unë jam tejet i lumtur që asnjë nga kontaktet e mia nuk kanë rezultuar pozitiv, përfshirë këtu familjen e kolegët. Arsyeja është shumë e thjeshtë! Kujdesi dhe respektimi i udhëzimeve nga organet kompetente. Këtë periudhë, zyrën e kam zhvendosur në shtëpi dhe kam punuar prej aty, kurse tani do i rikthehem punës në komunë për qytetarët tanë. Prandaj, ju lutem të gjithëve të mendoni fillimisht për veten, familjen e njerëzit që ju rrethojnë. Me vetëm tre hapa të thjeshtë, ju ulni rrezikun e shpërndarjes tek ta”, shkruan Kastrati.