Durrës, ndërron jetë një nga të plagosurit

Durrës, ndërron jetë një nga të plagosurit

Mbrëmjen e sotme si pasojë e disa të shtënave me armë zjarri në Durrës, mbetën të plagosur dy persona. Gjendja e tyre paraqitej e rëndë.

Raportohet se një person humbi jetën mbrëmjen e sotme në Durrës pas të shtënave me armë zjarri, ndërsa djali i tij është i plagosur në spital. Viktima është Armando Baboçi 39 vjeç, ndërsa i plagosur në spital është i biri Erald Gjini 19 vjeç, djali ka ndryshuar mbiemrin.

Më herët policia njoftoi se janë shoqëruar në Drejtorinë Vendore të Policisë Durrës 6 shtetas dhe mes tyre është autori i ngjarjes, por nuk jepen të dhëna për shkak të hetimit.

Durrës/Informacion paraprak

Më datë 18.09.2020, rreth orës 20:00, në lagjen nr.13. Durrës, pas një konflikti të çastit me mjete të forta e më pas me armë zjarri midis disa personve, janë plagosur me armë zjarr shtetasit A.B., dhe E.Gj., të cilët ndodhen në spital nën kujdesin e mjekëve, jashtë rrezikut për jetën.

Falë reagimit të menjëhershëm të Policisë, janë shoqëruar në Drejtorinë Vendore të Policisë Durrës 6 shtetas dhe mes tyre është autori i ngjarjes, por nuk jepen të dhëna për shkak të hetimit.

Grupi hetimor ndodhet në vendngjarje dhe po punon për zbardhjen e ngjarjes.