Elbasan, 45-vjeçari qëllon me armë drejt policisë, rrethohet nga RENEA
BKT
Kronika

Elbasan, 45-vjeçari qëllon me armë drejt policisë, rrethohet nga RENEA

Një tjetër ngjarje e ngjashme me atë të Lefter Zhidrus, ka ndodhur ditën e sotme në Elbasan.

Një person, 45 vjeç i armatosur kërcënon me armë zjarri punonjësit e policisë.

Ngjarja ka ndodhur pasditen e sotme në fshatin ‘Zavalinë’ të Elbasanit.

Mësohet se policia ka shkuar në banesën e qytetarit për të bërë një kontroll, pas denoncimeve të banorëve se qëllonte me armë, njofton oranews.

Prokuroria e Elbasanit ka marrë një autorizim në gjykatë për kontrollin e banesës së këtij shtetasi. Dhe është urdhëruar për ekzekutim policia.

Punonjës të policisë kanë shkuar në banesën e Josif Kavaja (Qosja) që ndodhet në periferi të Elbasanit dhe kane kërkuar qe te kryejnë kontroll.

Por nuk janë lejuar nga personi i cili i ka qëlluar me armë.

Pas kësaj policët kane vepruar duke njoftuar FNSH dhe RENEA.

Aktualisht po mbahet i rrethuar në banesë.

Sipas policisë personi i armatosur në Elbasan dyshohet se është individ me probleme mendore.

Në vendngjarje kanë mbërritur edhe forcat e RENEA-s dhe deri tani nuk raportohet për persona të lënduar.


MË SHUME NGA Kronika