Arrestohen dy të rinj, dyshohen për vrasje në tentativë në Janjevë
BKT
Kronika

Arrestohen dy të rinj, dyshohen për vrasje në tentativë në Janjevë

Një 16 dhe një 14 vjeçar janë arrestuar nga Policia e Kosovës me dyshimin për tentim vrasje që ndodhi më dy ditë më parë në rrugën “Dardania” në Janjevë. Kështu ka bërë të ditur zëdhënësi i Policisë së Kosovës për Rajonin e Prishtinës, Agron Borovci.

E gjithë ngjarje kishte ndodhur në mbrëmjen e së mërkurës ku shkak i një mosmarrëveshje verbal i dyshuari kryesor person tjetër të dyshuar kishin sulmuar me sëpatë viktimën duke i shkaktuar lëndime trupore.

“Më datë 06.01.2021 rreth orës 20:00, është raportuar se në rrugën “ Dardania ” në Janjevë, ka pasur një zënkë në mes të dy personave që ka derivuar përleshje mes tyre. Menjëherë pas raportimit policia ka filluar trajtimin e informacioneve si dhe ka ndërmarrë verimet e nevojshme operativo-hetimore në përpjekje për të ndriçuar dhe sqaruar të gjitha rrethanat që kanë karakterizuar rastin. Rezultatet e këtyre veprimeve kanë nxjerrë në pah dyshimet se pas një mosmarrëveshje verbale i dyshuari kryesor së bashku me një të dyshuar tjetër ka sulmuar me sëpatë viktimën duke i shkaktuar lëndime të rënda trupore, për çfarë të njëjtit i është ofruar ndihma mjekësore”, tregoi Borovci.

Dy të dyshuarit e arrestuar, K.P 16 vjeç dhe Sh.p 14 vjeç janë intervistuar të enjten. Ata u intervistuan nën prezencën e avokatit mbrojtës dhe zyrtarit të qendrës për punë sociale.

Ndërsa me urdhër të prokurorit janë ndaluar për 24 orë për procedim të mëtejm nën dyshimet për vrasje në tentativë./KP/ 


MË SHUME NGA Kronika