BE: Serbia ta njohë Kosovën dhe të reformohet

BE: Serbia ta njohë Kosovën dhe të reformohet

Shefat e diplomacisë së shteteve anëtare të Bashkimit Europian do të debatojnë për Ballkanin Perëndimor, sipas një dokumenti që është përpiluar nga Përfaqësuesi i Lartë i Komisionit Europian për Siguri dhe Politikë të Jashtme, Josep Borrell.

Agjencia serbe e lajmeve Tanjug shkruan se në këtë të ashtuquajtur ‘non paper’ të Borrell - “Përpjekje të shtuara të BE në Ballkanin Perëndimor”, që kjo agjenci e ka pasur parasysh, shkruhet se nga Serbia pritet të përshpejtojë dinamizmin e reformave në vend, por edhe të shfrytëzojë rastin që të arrihet marrëveshja me Kosovën.

Borrell ju ka thënë mediave para takimit e ministrave të jashtëm europian se Ballkani Perëndimor do të jetë mes temave kryesore në samit.

Gjithashtu, është njoftuar se para ministrave do të flasë edhe Përfaqësuesi i BE’së për Ballkanin Perëndimor dhe ndërmjetësi i dialogut Kosovë-Serbi, Miroslav Lajcak.