21:38 / 08.12.2021
Aksident në rrugën Prishtinë-Podujevë, një person i lënduar
Një person është lënduar si pasojë e një aksidenti të komunikacionit sonte rreth orës 19:00 në rrugën Prishtinë -Podujevë.
Lajmi për KosovaPress është konfirmuar nga zëdhënësja e policisë rajonale për Prishtinë Flora Ahmeti.
“Te Qershitë e Llapashticës ka ndodhur një aksident rrugor në mes të dy automjeteve. Si pasojë e aksidentit, lëndime trupore ka pësuar një person dhe i njëjti është dërguar për trajtim mjekësor”, ka thënë Ahmeti.
Me rastin po merret njësiti i trafikut.























