Transportonte drogë me makinë, pranga 43-vjeçarit
Policia e Fierit ka arrestuar një 43-vjeçar, i cili u kap duke transportuar një sasi lënde narkotike kanabis sativa me qëllim shitjen e saj në doza.
Në cilësinë e provës materiale, policia sekuestroi një pako me drogë, e cila ishte fshehur në një çantë në sediljen e pasme të një mjeti “Citroen”.
Nga veprimet e para hetimore, policia thotë se rezulton se ky shtetas do ta shiste lëndën narkotike në doza në qytetin e Fierit.
Njoftimi i policise
Sekuestrohet 1 pako me lëndë narkotike cannabis sativa.
Patrulla e Përgjithshme e Komisariarit të Policisë Fier në bashkëpunim me specialistët e Seksionit për Hetimin e Narkotikëve në DVP Fier, në bazë të informacioneve që kishin marrë për një automjet që dyshohej se transportonte lëndë narkotike, kanë bërë të mundur bllokimin e automjetit dhe shoqërimin e tij për në Komisariat.
Gjatë kontrollit të automjetit tip “Citroen”, shërbimet e Policisë kanë konstatuar se në sediljen e pasme ndodhej një çantë ku brenda saj kishte një pako me lëndë narkotike të dyshuar cannabis sativa.
Nga veprimet e para hetimore, rezulton se ky shtetas do ta shiste lëndën narkotike në doza në qytetin e Fierit.
Në vijim të veprimeve, specialistët e Seksionit për Hetimin e Narkotikëve në DVP Fier bënë arrestimin në flagrancë të shtetasit A. I. (A), 43 vjeç, banues në Tiranë
Materialet i kaluan Prokurorisë së Rrethit Gjyqësor Fier, për veprime të mëtejshme, për veprën penale “Prodhimi dhe shitja e narkotikëve”./panorama.al























