Qytetarët mund të pajisen me vula apostile pa termin online
BKT
Kosovë

Qytetarët mund të pajisen me vula apostile pa termin online

Ministria e Punëve të Brendshme të Kosovës ka njoftuar se qytetarët tash e tutje mund të pajisen me vulë apostile apo verifikuese pa pasur nevojë për termin online.

“Ministria e Punëve të Brendshme/Agjencia për Regjistrim Civil, i njofton të gjithë qytetarët e Republikës së Kosovës, që me vulë apostile/verifikuese mund të pajisen pa pasur nevojë që të ndajnë terminin online”, thuhet në njoftimin e MPB-së.

Sipas kësaj ministrie, ky shërbim ofrohet në katër komuna të vendit: Prishtinë, Pejë, Mitrovicë dhe Gjilan.

Deri sot qytetarët është dashur të presin gjatë në radhë për të marrë këtë vulë në dokumentet e tyre.


MË SHUME NGA Kosovë