08:48 / 07.02.2022
Vdekje e dyshimtë në Prishtinë
Një person dyshohet se është gjetur pa shenja jete gjatë mëngjesit të së dielës në Prishtinë.
Sipas raportit të Policisë, raportuesi tha se viktima ka vdekur në shtëpinë e tij.
Vdekjen e tij e ka konstatuar ekipi mjekësor i cili ka dalë në vendin e ngjarjes, ndërsa rasti është raportuar si "Vdekje e dyshimtë".
“Prishtinë 06.02.2022 - 06:00. Është raportuar se viktima mashkull kosovar kishte ndërruar jetë në shtëpinë e dëshmitarit mashkull kosovar. Në vendin e ngjarjes kanë dalë njësitë relevante të policisë dhe ekipi mjekësor ku është konstatuar vdekja e viktimës”, thuhet në raportin 24-orësh të Policisë.
Me urdhër të prokurorit, trupi i pajetë i viktimës është dërguar në Institutin e Mjekësisë Ligjore për obduksion.























