17:53 / 11.03.2022
Nesër hapet Panairi i Edukimit, ofrohen mundësi studimi jashtë vendit
Nesër në Bibliotekën Kombëtare të Kosovës do të hapet Panairi i Edukimit, ka njoftuar sot komuna e Prishtinës.
“Komuna e Prishtinës ju njofton se nesër, me datë 12.03.2022, në orën 10:00, do të hapet Panairi i Edukimit në Bibliotekën Kombëtare të Kosovës”, është bërë me dije në njoftimin e komunës.
Ky panair ofron mundësi për studentët e Kosovës të studiojnë në universitete ndërkombëtare.
“Panairi i Edukimit ofron mundësi të ndryshme studimore në universitetet ndërkombëtare dhe jep informata të hollësishme për kritere dhe specifika të universiteteve përkatëse”, është dhënë sqarimi në nga komuna e Prishtinës.
Panairi organizohet nga komuna e Prishtinës në bashkëpunim me Wiseword Kosova.
Përgatiti: Kimete Kasumi























