20:47 / 05.05.2022
Policia arreston një të dyshuar për narkotik
Emine Hoti / RTKlive
Policia e Kosovës ka arrestuar të enjten pasdite një person në Vushtrri, nën dyshimet për blerje, posedim, shpërndarje dhe shitje të paautorizuar të substancave narkotike.
Sipas njoftimit policor, të dyshuarit 23-vjeçar, me inicialet G.A., iu gjetën në çantën e krahut 77 qese me substancë narkotike, me peshë 66 gramë si dhe 1 sprej.
“Në cilësi të të dyshuarit, është intervistuar G. A. shtetas i Republikës së Kosovës, ndaj të cilit prokurori i ka caktuar masën e ndalimit policor“, thuhet në njoftim.
Hetimet e mëtejme lidhur me rastin po i vazhdon njësia përkatëse e antidrogave.























