Arrestohen disa persona për vepra penale
Shkurta Rrahmani / RTKlive
Policia e Kosovës përmes një njoftimi për media ka njoftuar për disa incidente qe kanë ndodhur gjatë 24 orëve të fundit në vend.
Sipas raportit të PK-së në Prishtinë Me 14.05.2022 është arrestuar i dyshuari mashkull kosovar nën dyshimin se i njëjti, me datën e lartcekur ka kryer veprat penale ndaj dy viktimave meshkuj kosovarë. I dyshuari është intervistuar dhe me vendim të prokurorit, është dërguar në mbajtje.
Po ashtu pas një mosmarrëveshje pronësore i dyshuari mashkull kosovar ka kanosur viktimën femër kosovare. Palët janë intervistuar dhe me vendim të prokurorit rasti vazhdon në procedurë të rregullt.
Edhe në Obiliq mbrëm është arrestuar i dyshuari mashkull kosovar nën dyshimin se i njëjti i ka vjedhur një biçikletë ankuesit mashkull kosovar si dhe ka kryer disa raste tjera vjedhje. Me vendim të prokurorit, i dyshuari pas intervistimit është dërguar në mbajtje.























