10:10 / 16.05.2022
Gjuajti me armë zjarri, arrestohet i dyshuari
Emine Hoti /RTKlive
Policia e Kosovës njofton se është arrestuar një person i cili derisa ishte duke lëvizur me veturë kishte shtënë më armë zjarri në ajër.
Siç njofton policia, nga i dyshuari është konfiskuar një revole me karikator me fishekë.
Sipas policisë, ngjarja ka ndodhur dje rreth orës 16:25 në rrugën “Tirana” në Prishtinë.
Tutje, thuhet se gjatë ekzaminimit të vendit të ngjarjes, në cilësi të provave materiale është gjetur dhe konfiskuar një gëzhojë e armës së zjarrit.
Me urdhër të prokurorit, i dyshuari është dërguar në mbajtje.























