Dyshohet se shitën ari të falsifikuar, dy të arrestuar
Foto: RTK
Kronika

Dyshohet se shitën ari të falsifikuar, dy të arrestuar

Emine Hoti / RTKlive

Stacioni Policor në Viti njofton se më 18.05.2022 ka pranuar një ankesë nga një qytetar se në qytetin e Vitisë është mashtruar nga dy persona të dyshuar të cilët i kanë ofruar një sasi ari për shitje që dyshohet se ishte i falsifikuar, për të cilin viktima ka paguar 1,450 euro.

Policia njofton se pas raportimit të rastit, në vendin e ngjarjes kanë dalë njësitet relevante dhe shumë shpejtë kanë arritur të identifikojë veturën e të dyshuarve që kanë kryer veprën penale të mashtrimit.

"Janë ndërmarrë veprime operacionale në koordinim edhe me njësi tjera policore të kufirit dhe është arritur të ndalohet vetura me dy personat e dyshimtë në pikën e kalimit kufitar “Hani i Elezit”, thuhet në njoftim.

Njësia e hetimeve, Stacioni Policor në Viti ka intervistuar dy të dyshuarit në prezencë të avokatëve mbrojtës dhe me urdhër të prokurorit të dyshuarit E.B 1955 shtetas i Maqedonisë Veriore dhe T.S shtetas i Maqedonisë Veriore 1946 janë ndalë në mbajtje për 48 orë.

 


APR
Romay Lift