Prokuroria nis hetime të dyshuara për korrupsion e të raportuara në media
BKT
Foto:RTK
Kronika

Prokuroria nis hetime të dyshuara për korrupsion e të raportuara në media

Emine Hoti / RTKlive

Prokuroria Speciale e Kosovës ka njoftuar të enjten se ka nisur hetimet lidhur me shkrimet e fundit të publikuara në media.

Prokuroria njofton se hetimet do të bëhen për të gjitha rastet ku flitet për afera të ndryshme korruptive, në institucione të ndryshme.

“Prokurori i Shtetit njofton opinionin publik se ka filluar procedurën e verifikimit dhe hetimit për të gjitha shkrimet e publikuara ditëve të fundit në media lidhur me rastet e dyshuara për korrupsion”, shkruan në njoftim.

Prokuroria nuk jep informacione se cilat janë këto media që kanë raportuar për afera të ndryshme korruptive apo se për cilat shkrime bëhet fjalë.

Sidoqoftë, ditëve të fundit përveç mediave janë edhe partitë opozitare që kanë hedhur dyshime për afera të ndryshme të korrupsionin ku sipas tyre janë përfshirë zyrtarë të lartë të shtetit. 


MË SHUME NGA Kronika