​Zjarr në një depo në Pejë
Foto: RTK
Kronika

​Zjarr në një depo në Pejë

Emine Hoti/RTKlive

Një depo private me vaj motorik është përfshirë nga zjarri sot rreth orës 08:40 në rrugën “Perandori Justinian” në Pejë.

Drejtoria Rajonale e Policisë në Pejë njofton se si pasojë e zjarrit janë dëmtuar tri shtëpi banimi.

Në vendin e ngjarjes ka dalë brigada e zjarrfikësve dhe KFOR-i, të cilët kanë vendosur zjarrin nën kontroll.

Njësitet policore janë duke punuar në vendin e ngjarjes nën koordinim me Prokurorin e Shtetit për të zbardhur shkaqet që çuan deri te shpërthimi i zjarrit.

Ky rast me urdhër të Prokurorit të Shtetit është iniciuar si shkaktim i rrezikut të përgjithshëm, dhe është duke u proceduar nga Njësia rajonale për hetimin e krimit.


APR
Romay Lift