10:23 / 08.07.2022
Goditet nga vetura një fëmijë në Vushtrri
Një fëmijë pesëvjeçar është goditur të enjten nga një veturë në Vushtrri.
Siç njoftohet nga Policia e Kosovës, fëmija është dërguar për trajtim mjekësor në QKUK, ndërsa i dyshuari është arrestuar.
“Një fëmijë i moshës 5 vjeçare ka pësuar lëndime trupore, pasi është goditur nga një veturë në lëvizje që drejtohej nga i dyshuari kosovar. Viktima është dërguar për trajtim mjekësor në QKUK. I dyshuari është arrestuar dhe pas intervistimit me vendim të prokurorit është liruar në procedurë të rregullt”, thuhet në raportin e PK-së.























