09:21 / 11.07.2022
Shkaktim i rrezikut të përgjithshëm ka ndodhur në fshatin Pasjak
Shqipe Gashi/RTKlive
Në fshatin Pasjak, të Novobërdës me datën 09.07.2022 në ora 14:20 ka pasur ankesë në adresën e Policisë së Kosovës nga një qytetar kosovar, ai ka raportuar se në ndërtesën e tij, kati përdhese është përfshirë nga zjarri.
Sipas ankuesit zjarri është shkaktuar si pasojë e lidhjes te pa rregullt te rrymës. Në vendin e ngjarjes kanë dal njësitë e zjarrfikësve dhe njësia e Keds-it të cilët e kanë lokalizuar zjarrin, thuhet në njoftimin e policisë.
Përveç dëmeve materiale nuk ka pasur persona të lënduar. Rasti mbetet nën hetime.























