10:40 / 09.09.2022
Rrëmbehet një person në Prishtinë, arrestohet i dyshuari
E.Hoti/RTKlive
Policia e Kosovës ka njoftuar për një rast të rrëmbimit në Prishtinë.
Rasti ka ndodhur të enjten në orën 01:00., ndërsa ankuesi ka pranuar tretman mjekësor.
“Ankuesi mashkull kosovar ka pranuar tretman mjekësor, pasi që sipas tij është rrëmbyer dhe është rrahur nga i dyshuari mashkull kosovar, i cili ishte i shoqëruar nga tre persona të tjerë të panjohur”, thuhet në raportin e PK-së.
Lidhur me rastin është arrestuar i dyshuari dhe me vendim të prokurorit ai është dërguar në mbajtje.























