08:41 / 17.09.2022
Dhunë ndaj bashkëshortes, por i shmanget policisë
B. Halimi/RTKlive
Policia e Kosovës në raportin e saj 24 orësh, ka njoftuar se mbrëmë në orët e vona në kryeqytet një person e ka sulmuar bashkëshorten e tij. I dyshuari nuk gjetur në shtëpi dhe policia po vazhdon ta hetojë rastin.
“Viktima femër kosovare ka raportuar se është sulmuar fizikisht nga bashkëshorti i saj mashkull kosovar. Viktima ka marrë tretman mjekësor. Ajo së bashku me katër fëmijët e tyre është dërguar në strehimore. I dyshuari nuk është takuar nga policia. Rasti është duke u hetuar”, thuhet në raportin e Policisë.























