Prokuroria e Pejës ndalon 3 persona për vjedhjen e 20 mijë eurove
Kronika

Prokuroria e Pejës ndalon 3 persona për vjedhjen e 20 mijë eurove

M.Miftari/RTKlive

Prokuroria Themelore në Pejë, njofton opinionin se gjatë ditës se djeshme ka ndaluar tre (3) persona (H.A., E.H., dhe M.A.,), të cilët, duke vepruar si anëtar të grupit, kanë kryer veprën penale “Vjedhje e Rëndë” nga neni 315 të Kodit Penal të Republikës së Kosovës.

“Tre (3) të dyshuarit duke vepruar si anëtar të grupit kanë arritur t’i vjedhin nga i dëmtuari shumën e parave në vlerë prej njëzetmijë (20.000) mijë eurove, ku pas koordinimit të Prokurorit të Shtetit me Policinë e Kosovës, tre (3) të dyshuarit (H.A., E.H., dhe M.A.,) janë arrestuar mbrëmë rreth orës 18:00”, thuhet në njoftim.

Tutje, bëhet e ditur se pas kontrollit të shtëpive të pandehurve, në shtëpinë e njërit prej të dyshuarve janë gjetur parat e vjedhura, në shumë prej njëzetmijë (20.000) euro.

Ndërkaq, me urdhër të Prokurorit të Shtetit, të dyshuarit janë ndaluar 48 orë, ndërsa brenda afatit ligjor, Prokuroria Themelore në Pejë do të paraqesë kërkesën për caktimin e masës se paraburgimit ndaj tre të pandehurve në gjykatën kompetente, thuhet në njoftim.


MË SHUME NGA Kronika