13:18 / 20.09.2022
Arrestohet personi i kërkuar në Ferizaj
E.Hoti/RTKlive
Policia e Kosovës për rajonin e Ferizajt ka njoftuar se ka arrestuar dje në fshatin Dardani personin e kërkuar me inicialet S.G i moshës 46 vjeçare.
“Ai ishte i kërkuar në bazë të urdhëresës së Gjykatës Themelore në Ferizaj për veprën penale ‘’Asgjësimi, dëmtimi ose heqja e pajisjeve mbrojtëse dhe rrezikimi i sigurisë mbrojtëse në vendin e punës ’’ me dënim burgimi prej njëqind e tetëdhjetë ( 180) ditëve”, thuhet në njoftimin e PK-së.
Bëhet e ditur se pas kompletimit të dokumentacionit, i njëjti është dërguar në vuajtje të dënimit.
“Policia Rajonale e Ferizajt, do të vazhdojë me realizimin e urdhëresave të gjykatës ndaj personave që ende nuk i janë përgjigjur thirrjes së gjykatës”, thuhet në njoftim.























