Policia parandalon një rast të kontrabandës me mallra |Foto
Rtklive
Kronika

Policia parandalon një rast të kontrabandës me mallra |Foto

Fadil Sertolli/ RTKlive

Zyrtarë policorë nga Task-Forca e Drejtorisë Rajonale të Policisë Kufitare-Lindje në bashkëpunim të ngushtë me Doganën e Kosovës dhe ATK-në kanës bërë kontrollë në një lokacion ku janë konfiskuar një sasi e konsiderueshme e tekstilit, produkte të ndryshme higjienike dhe një sasi e konsiderueshme e mishit të terur.

Sipas një komunikate të Polisë së Kosovës, më, 21.09.2022, rreth orës 02:00, pasi është pranuar informatë se nga fshati Debelldeh i Vitisë, lëvizin disa automjete, dyshohet të ngarkuara me mallra të kontrabanduar.

“Njësitet policore të angazhuara në përgjigjeje të këtij rasti, në fshatin Kabash, në hyrje të shtëpisë së të dyshuarit, është arritur të ndalohet automjeti pa tabela i ngarkuar me mall të kontrabanduar të cilin e ngiste i dyshuari  I.S., (35 vjeçar, mashkull kosovar). Ndërkaq, gjatë kontrollit, në automjet kishte të ngarkuar: tekstil, klima, pjesë të automjeteve, pjesë të ndryshme dekorative për automjete dhe shtëpi, medikamente natyrale, lëndë e parë për shisha, fletore dhe libra të ndryshme, telefona Iphone 13 etj., të cilat ishin të kontrabanduar nga Republika e Maqedonisë Veriore”, thuhet në njoftim.

Më pas thuhet se pas njoftimit të prokurorit dhe në bashkëpunim të ngushtë me Doganën e Kosovës dhe ATK-në është bërë kontrolli në një lokacion ku janë konfiskuar edhe një sasi e konsiderueshme e tekstilit,  produkte të ndryshme higjienike dhe një sasi e konsiderueshme e mishit të terur.

“Rasti është duke u trajtuar nga njësitë përkatëse policore.  Me aktvendim të prokurorit është caktuar masa e ndalimit policor për 48 orë, ndërsa malli i kontrabanduar është dërguar në terminalin doganor”, thuhet mes tjerash në njoftim.

Ndryshe, zyrtarë policorë nga Task-Forca e Drejtorisë Rajonale të Policisë Kufitare-Lindje, në zbatim të masave për parandalim dhe luftim të kriminalitetit, me theks të veçantë kontrabandës, kanë intensifikuar aktivitetet në teren dhe bashkëpunimin me qytetarë.

 


MË SHUME NGA Kronika