Kapen 3 kg drogë, Prokuoria kërkon masën e paraburgimit për të ndaluarit
Kronika

Kapen 3 kg drogë, Prokuoria kërkon masën e paraburgimit për të ndaluarit

E.Hoti/RTKlive

Prokuroria Themelore në Gjakovë, ka kërkuar caktimin e masës së paraburgimit nga Gjykata kompetente në Gjakovë, ndaj të pandehurve A.F., K.N., si dhe, L.B..

Kjo është bërë për shkak të dyshimit të bazuar se kanë kryer veprën penale “Blerje, posedim, shpërndarje dhe shitje e paautorizuar e narkotikeve, substancave psikotrope dhe analoge në bashkëkryerje” nga neni 267 paragrafi 2 lidhur me nenin 31 të KPRK-së.  

Prokuroria ka bërë të ditur se më 2 tetor, në pikën e kalimit kufitarë Qafë Prush, të pandehurit duke vepruar në bashkëkryerje, pa autorizim dhe me qëllim të shitjes apo shpërndarjes kanë poseduar substanca apo preparate të cilat me ligj janë shpallur si narkotikë, substanca psikotrope ose analoge.

"Gjatë kontrollimit në pikën kufitare nga Shqipëria për në Kosovë nga zyrtarët policor, në automjetin të cilin e drejtonte i dyshuari A. F., ku ishin prezent edhe dy të dyshuarit e tjerë, në bagazh është gjetur një thes ngjyrë e bardhë i mbushur me substancë narkotike që dyshohet të jetë e llojit marihuanë, me peshë prej 3 kilogramë e 452 gramë, e cila më pas është sekuestruar nga zyrtarët policor", thuhet në njoftimin e Prokurorisë Themelore në Gjakovë.

Prokurori i rastit ndaj të pandehurve ka kërkuar masën e paraburgimit në afat prej 30 ditësh, dhe të njëjtët, me urdhër të prokurorit gjenden në ndalim nga data 2 tetor 2022.


A.R Katana
Kosovo Telecom
Golden Eagle