10:04 / 05.10.2022
Ashensori i shkakton vdekjen një 54 vjeçari nga Peja
J.Musliu/RTKlive
Një 54 vjecar ka humbur jetën të martën pasdite në Pejë, si pasojë e një incidenti.
Policia por edhe prokuroria kanë njoftuar se tashmë i ndjeri, ishte duke rregulluar ashensorin i cili në rrethana ende të pasqaruara, e ka zënë duke i shkaktuar vdekjen.
Viktima ishte pronar i objektit ku ndodhi edhe ngjarja.
Policia deklaron se rasti është raportuar rreth orës 15:00, kurse vdekjen e këtij shtetasi, e ka konstatuar mjeku kujdestar.
Ndërkohë, Shkodran Nikçi, zëdhënës i Prokurorisë së Pejës, ka konfirmuar se i ndjeri ka tentuar ta rregullojë ashensorin.
Megjithatë, j si pasojë e një defekti në ashensor në rrethana ende të pasqaruara, ai ka filluar të lëvizë dhe si pasojë viktima ka gjetur vdekjen.























