Rama: Këtë vit disa lagje për herë të parë ngrohen nga `Termokos`-i
K. Kasumi/ RTKlive
Kryetari i Komunës së Prishtinës, Përparim Rama, ka vizituar sot ndërmarrjen publike `Termokos`, ku njëherësh ka njoftuar se ka filluar sezoni i ngrohjes.
Gjatë kësaj vizite, ai, gjithashtu ka njoftuar se disa lagje të reja për herë të parë do të fillojnë të ngrohen nga “Termokos”-i.
“Kam besimin e plotë se zgjerimi do të ndodhë në mënyrën më të mirë të mundur. Besoj se nuk do të kemi fare probleme”, ka thënë Rama.
Ndërkaq, kryeshefi i “Termokos”-it, Fisnik Osmani ka thënë se me sukses kanë shkuar parapërgatitjet. Ai u ka bërë thirrje konsumatorëve t’i shlyejnë detyrimet e tyre, duke bërë me dije se borxhi aktual i tyre është 16 milionë euro.
“Sot po e fillojmë sezonin e ngrohjes më herët sesa është i paraparë me ligj. I kemi edhe disa projekte, siç janë modernizimi dhe nënstacionet e reja. Borxhi aktual i konsumatorëve është 16 milionë euro”, theksoi kryeshefi i Termokosit.
























