08:01 / 18.10.2022
Sot pritet të vazhdojë gjykimi për vrasjen e Oliver Ivanoviqit
RTK
Sot pritet të vazhdojë gjykimi ndaj të akuzuarve për rastin e vrasjes së politikanit serb, Oliver Ivanoviq.
Para trupit gjykues do të dëshmojnë dëshmitarë të mbrojtur. Seanca fillestare ishte mbajtur me 11 shkurt 2020, kurse Gjykata Themelore në Prishtinë, më 6 prill 2020, kishte refuzuar kërkesat për hedhjen e aktakuzës dhe kundërshtimet e provave.
Ivanoviq u vra më 16 janar 2018, me gjashtë të shtëna në shpinë, përpara zyrës se partisë së tij në Mitrovicën e Veriut.























