Në shumë vende bie mjegull, policia apelon vozitësit për kujdes
BKT
Foto: Policia e Kosovës
Kronika

Në shumë vende bie mjegull, policia apelon vozitësit për kujdes

J.Musliu/RTKlive

Policia Rajonale në Ferizaj apelon tek shoferët e automjeteve që të bëjnë kujdes gjatë drejtimit në mot me mjegull. Policia rikujton se ka filluar shfaqja/prezenca e mjegullës në vendet ku pozita gjeografike është më e ulët.

Më konkretisht, Policia Rajonale e Ferizajt, përmes kësaj komunikate i rekomandon shoferët e automjeteve që të mos  harrojnë se ngasja në mjegull mund të jetë e rrezikshme.

“Mbani në vëzhgim rrugën për ndryshime të papritura të dukshmërisë, mjegulla më e dendur mund të jetë më afër lumenjve”, deklaron policia.

Gjithashtu, rekomandohet përdorimi i dritave të mjegullës, nëse automjeti i ka ato, sepse ndihmon të ndriçohet rruga para dhe këto drita e bëjnë automjetin më të dukshëm për shoferët e tjerë.

“Disa automjete kanë edhe dritat e pasme të mjegullës të cilat ndihmojnë shoferët që lëvizin mbrapa t’ju shohin juve edhe nga një distancë më e madhe”, deklaron policia.

Mjegulla mund të krijojë një iluzion optik dhe t’i bëjë shoferët të mendojnë se po shkojnë më ngadalë seç janë, andaj policia kërkon vëmendje e të mos vozitet me shpejtësi.

“Ndizni dritat gjatë ngasjes, por mos ndizni dritat me rreze të gjatë!”.

Policia njofton se ngasja e automjetit me drita të gjata mund të reflektojë jashtë mjegullës dhe mund të kthehet në të njëjtin automjet.

 


MË SHUME NGA Kronika