Arrestohet personi që vodhi para nga arkat e xhamive në Ferizaj
BKT
Foto: Policia e Kosovës
Kronika

Arrestohet personi që vodhi para nga arkat e xhamive në Ferizaj

Valmira Saraçi Sahatçiu/RTKlive

Policia në Ferizaj ka arrestuar një person, 11 ditë pas vjedhjes që kishte kryer më 14 tetor në xhaminë në rrugën “Ramandan Ferizi” në Ferizaj. I dyshuari në stacionin policor ka deklaruar se ka kryer vjedhje nga arkat e bamirësisë edhe në xhami të tjera.

Për zbulimin e kryerësve të veprës penale të vjedhjes, policia thotë se kishin nisur hetimet menjëherë.

Pas punës hetimore e grumbullimit të informacioneve në terren, shikimit të kamerave të sigurisë, hetuesit policor kanë arritur të identifikojnë personin e dyshuar si dhe vendin e ndodhjes së tij.

Bëhet e ditur se LL. S. 32 vjeçar u arrestua në Shtime sot rreth orës 14:00 si i dyshuar për vjedhje të rëndë dhe i njëjti është shoqëruar në stacionin e policisë në Ferizaj.

Siç njofton Policia i dyshuari ka deklaruar se ka kryer vjedhje të rënda nga arkat e bamirësisë edhe në Xhamitë e fshatrave Kosinë, Slivovë dhe në Xhaminë në rrugën ‘’Hamëz Jashari’’ në Ferizaj, të cilat ishin në proces të hetimeve.

Me vendim të Prokurorit të Prokurorisë Themelore në Ferizaj, i njëjti është dërguar në mbajtje për 48 orë, për procedura të mëtejme hetimore.


MË SHUME NGA Kronika