Vdes një person në Drenas, u godit nga një veturë
BKT
Foto arkiv/ RTKlive
Kronika

Vdes një person në Drenas, u godit nga një veturë

A.B / RTKlive

Një person ka vdekur pasi është goditur nga një veturë në rrugën Bardh i madh në Drenas.

Lajmin për RTKlive ka konfirmuar zëdhënësja e Policisë së Kosovës për rajonin e Prishtinës, Flora Ahmeti.

"Rreth orës 17:00  kemi pranuar informatën se në rrugën Bardh i madh-Drenas, ka ndodhur një aksident trafiku me pasoja fatale. Në këtë aksident kanë qenë të përfshirë, një  këmbësor dhe një veturë në lëvizje", tha ajo.

Ahmeti bëri me dije se si pasojë e aksidentit lëndime të rënda trupore ka pësuar këmbësori, i cili nuk ka arritë të përballojë plagët dhe i njëjti  ka ndërruar jetë . 

"Vdekjen e tij e ka konstatuar ekipi mjekësor në vendngjarje. Aktualisht policia ka nisë një hetim për zbardhjen e rrethanave që kanë quar deri te ky aksident trafiku", tha Ahmeti.


MË SHUME NGA Kronika