Ngrihet aktakuzë kundër personit që shiti pronat e AKP-së
BKT
Kronika

Ngrihet aktakuzë kundër personit që shiti pronat e AKP-së

E.Hoti/RTKlive

Prokuroria Themelore në Prishtinë, njofton se Prokurori i Shtetit ka ngritur aktakuzë ndaj të pandehurit Sh.M., në drejtim të veprave penale “Mashtrimi” , “Falsifikimi i dokumenteve”,  si dhe veprën penale “Prezantimi i rremë si person zyrtar”.

Sipas aktakuzës, i pandehuri i lartcekur me qëllim të përfitimit të dobisë pasurore në mënyrë të kundërligjshme, përmes paraqitjes së fakteve të rreme, ka mashtruar një numër të të dëmtuarve në qytetin e Tuzllës të Bosnje e Hercegovinës dhe në Podgoricë të Malit të Zi, ku përmes falsifikimit të dokumenteve zyrtare të Agjencisë Kosovare të Privatizimit (AKP), si dhe prezantimit të rrejshëm si person zyrtar, kinse i autorizuar nga zyrtari i AKP-së, ka shitur dy prona të NSH “Jatex” të Gjakovës, në qytetet e lartcekura, e të cilat prona gjenden nën menaxhimin dhe administrimin e AKP-së.

Prokurori i çështjes me rastin e ngritjes së aktakuzës, i ka propozuar Gjykatës që i pandehuri i lartcekur të shpallet fajtor dhe të dënohet sipas ligjit për veprat penale të cilat i vihen si barrë, si dhe të njëjtit t’i vazhdohet masa e paraburgimit.


MË SHUME NGA Kronika