10:05 / 04.11.2022
Policia në Zaplluzhë konfiskon armë dhe municion
E.Hoti/RTKLive
Policia e Kosovës ka ndaluar dje një person për armëmbajtje pa leje.
Siç njofton policia, rasti ka ndodhur n fshatin Zaplluzhë të Dragashit.
Bëhet e ditur se gjatë kontrollit në shtëpinë e të dyshuarit i janë gjetur dhe konfiskuar dy revole, një pushkë gjuetie, një pushkë automatike, një pushkë ajrore, dy thika, 175 fishekë, pesë gëzhoja dhe disa pajisje të ndryshme për mbajtje e armëve.
Me vendim të prokurorit i dyshuari është dërguar në mbajtje.























