Përkeqësohet cilësia e ajrit në Prishtinë |Video
BKT
Foto: RTKlive
Kosovë

Përkeqësohet cilësia e ajrit në Prishtinë |Video

Valjeta Shala/RTK

Kosova po përballet sërish me cilësi jo të mirë të ajrit. Kjo ndotje e cila vjen nga faktorët të ndryshëm kanë bërë qe vendi ynë e sidomos kryeqyteti të ketë ajër të ndotur ku tejkalon edhe vlerave normale të cilësisë.

Kështu, edhe ky vit e gjen Prishtinën sërish me ajër të ndotur.

E gjendjen e cilësisë së ajrit, më së miri e tregon monitori I vednosur në qendër të kryeqytetit, ku sipas parametrave dhe figures, ajri nuk është i shëndetshëm.

Qytetarët  presin që të ulen faktorët që i kontribuojnë rritjes së nivelit të ndotjes.

 “Për momentin nuk është mirë, por ndoshta do të marrin masa që të parandalohet sepse ajri është i dobët”, thotë Sali Aliu, një qytetar Prishtina.

“Thëngjilli, era, makina të gjitha këto bëhen bashkë dhe ndotin”.

Për ndotje të ajrit, ka folur edhe eksperti i mjedisit, Zeqir Veselaj.

 “Kriza energjetike e shoqëruar me një krizë ekonomike, do ta provokojë edhe një krizë mjedisore, ku sidomos ky dimër parashikohet të jetë më i rënduar sesa dimra të tjerë”, thotë profesor Zerqir Veselaj, ekspert i çështjeve  të mjedisit.

Përveç në mëngjes, edhe në orët e vona të mbrëmjes, niveli i ndotjes vazhdon të jetë i lartë.

 


MË SHUME NGA Kosovë