‘Tre Luanët’, Kombëtarja më e vlefshme në ‘Katar 2022’
Fatmir Bytyqi /RTKlive
Vetëm tri ditë na ndajnë nga fillimi i Kampionatit Botëror ‘Katar 2022’.
Ky evenimet që është më i madhi në botën e futbollit, për një muaj pritet të dhurojë spektakël futbolli pasi pjesë e këtij Botërori janë edhe disa nga yjet e ligave të mëdha evropiane.
Talentë nga Premier League, La Liga, Serie A, Bundesliga e Ligue 1, do të zbresin në tokën e Katarit.
Me 32 Kombëtare që marrin pjesë në garë, disa skuadra natyrisht se do ta kenë vlerën më të madhe prej të tjerash. Sipas “Marca”-s, Anglia do të shkojë në Katar me ekipin më të vlefshme në botë.
Të dhënat mbi vlerën e tregut të lojtarëve të mbledhura nga “Transfermarkt” tregojnë se “Tre Luanët” kanë lojtarë të shumtë të vlerësuar në 80 milionë euro ose më shumë. Asi i Tottenham Hotspurit, Harry Kane, Phil Foden dhe Bukayo Saka janë disa nga lojtarët më të vlefshëm të Anglisë. Franca është skuadra tjetër që shkon në Kupën e Botës me një ekip të shtrenjtë, me skuadrën që përmban disa prej talenteve më të mirë në botë.
Lista e dhjetë kombëtareve më të shtrenjta në Kampionatin Botëror:
Anglia – 1.35 miliard euro
Franca – 1.13 miliard euro
Brazili – 1.064 miliard euro
Spanja – 1.031 miliard euro
Gjermania – 1.025 miliard euro
Portugalia – 938 milionë euro
Argjentina – 764 milionë euro
Belgjika – 55 milionë euro
Holanda – 474 milionë euro
Uruguai – 419 milionë euro.
Kujtojmë se kampioni në fuqi i botës është Franca e cila katër vite më parë kishte mundur Kroacinë në finalen e “Luzhniki” të Rusisë.























