10:02 / 23.11.2022
Tronditet Franca, edhe Hernandez humb Botërorin
Fatmir Bytyqi /RTKlive
Një tjetër lajm i keq vjen për Kombëtaren e Francës.
Pas Pogba-s, Kante-s dhe Benzema-s, edhe Lucas Hernandez humb Botërorin ‘Katar 2022’.
Hernandez u lëndua mbrëmë në fitoren e ‘Gjelave’ kundër Australisë (4-1).
Mbrojtësi i Bayern Munich pas vetëm 13-të minutave lojë u lëndua dhe u detyrua të largohej nga fusha.
Lucas Hernandez raportohet se ka këputur ligamentit të kryqëzuar anterior të gjurit të djathtë.
Kombëtarja e Francës përmes një njoftimi në Twitter, ka konfirmuar lëndimin e rëndë të Hernandez.
“I gjithë grupi i uron atij shërimin më të mirë të mundshëm”, thuhet në njoftimin e kampionëve në fuqi të botës.























