15:19 / 23.11.2022
Daliç: E dimë çfarë duhet të bëjmë për të kaluar grupin
Fatmir Bytyqi /RTKlive
Trajneri i Kroacisë Zlatko Daliç ka folur pas ndeshjes me Marokun.
Kroatët dhe Maroku sot luajtën pa gola në kuadër të Kupës së Botës ‘Katar 2022’.
“Ishte një lojë e vështirë. Kundërshtari ishte i mirë dhe kompakt. Ata ishin të përgatitur mirë dhe formuan një mur, të gjithë ishin pas topit”, tha ai.
“Ne e poseduam lojën, por nuk i realizuam rastet që krijuam. Tani duhet të mendojmë për lojën tjetër. Ne e dimë së çfarë duhet të bëjmë për të kaluar grupin”, theksoi strategu kroatë.























